చిరంజీవి తూ.గో పర్యటనపై మెగా ఆశలు

కాకినాడ: ప్రజారాజ్యం పార్టీ అధినేత చిరంజీవి ఈ నెల 20వ తేదీన జిల్లాలో పర్యటించనున్నారు. శాసనసభ్యత్వానికి రాజీనామా చేసి సమైక్యాంధ్ర ఉద్యమంలో పాలుపంచుకోవడానికి ఆయన ఈ పర్యటన చేయనున్నట్టు పార్టీ వర్గాలు తెలిపాయి. సమైక్యాంధ్ర ఉద్యమం నేపధ్యంలో చిరంజీవి పర్యటనకు మంచి స్పందన వచ్చే అవకాశముంది.

ఈనెల 20వ తేదీ ఉదయం తుని నుంచి అన్నవరం వచ్చి స్వామి దర్శనం చేసుకున్న అనంతరం కత్తిపూడి చేరుకుంటారు. అక్కడి నుంచి గొల్లప్రోలు, పిఠాపురం, సామర్లకోట, పెద్దాపురం, రాజానగరం మీదుగా రాజమండ్రి చేరుకొని అక్కడ రాత్రి బస చేస్తారు. 21న పశ్చిమగోదావరిజిల్లా పర్యటనకు వెళ్తారని పార్టీ వర్గాలు తెలిపాయి.