కడప నియోజకవర్గంలో జగన్ సమీక్షలు

పులివెందుల: కడప పార్లమెంట్‌ సభ్యుడు వైఎస్‌ జగన్‌మోహన్‌రెడ్డి సోమవారం పులివెందుల మున్సిపల్‌ కార్యాలయంలో అభివృద్ధి కార్యక్రమాల సమీక్షా సమావేశంలో పాల్గొన్నారు. నియోజకవర్గ అభివృద్ధిపై ఆయన సమీక్ష జరుపుతున్నారు. అనంతరం జగన్‌ కడపలో నిర్వహించనున్న సమావేశంలో పాల్గొంటారు.

కడప పార్లమెంటు సభ్యుడు వై.ఎస్‌.జగన్‌మోహన్‌రెడ్డి ఆదివారం రాత్రి పులివెందులకు చేరుకుని ప్రజల సమస్యలను తెలుసుకున్నారు. అంతకు ముందు ఆయన తన పెద నాన్న వై.ఎస్‌.ప్రకాష్‌రెడ్డి ఇంటికి వెళ్లి ఆయనతో భేటీ అయ్యారు. పలు విషయాలపై చర్చించారు. అక్కడనుంచి తన స్వగృహానికి చేరుకున్నారు. ఎంపీ వై.ఎస్‌.జగన్‌ రాత్రివేళ తనకోసం వేచి ఉన్న జనం సమస్యలను ఓపిగ్గా తెలుసుకొని వాటి పరిష్కారానికి తగిన చర్యలు తీసుకోవాలని తన అనుచరులను, కాంగ్రెస్‌ యువ నాయకుడు వై.ఎస్‌.అవినాష్‌రెడ్డికి చెప్పారు.