• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మేం తెలంగాణ జెఎసిలో ఉన్నాం: ఆర్ దామోదర్ రెడ్డి

By Pratap
|

R Damodar Reddy
హైదరాబాద్: తాము తెలంగాణ జెఎసిని వీడునున్నట్లు వచ్చిన వార్తల్లో నిజం లేదని కాంగ్రెసు తెలంగాణ సీనియర్ శాసనసభ్యుడు ఆర్ దామోదర్ రెడ్డి స్పష్టం చేశారు. తాము జెఎసిలోనే ఉన్నామని, జెఎసి తీర్మానాలకు కట్టుబడి ఉంటామని ఆయన చెప్పారు. హైదరాబాదులోని ఇందిరా పార్కు వద్ద చేపట్టిన రిలే నిరాహార దీక్షా శిబిరంలో ఆయన శుక్రవారం మాట్లాడారు. తాము జెఎసిని వీడేది లేదని ఆయన అన్నారు. ఎవరు దీక్షలు చేపట్టినా తాము మద్దతిస్తామని ఆయన చెప్పారు. కొన్ని సమస్యలున్నాయని, వాటిని పరిష్కరించుకుంటామని ఆయన చెప్పారు.

ఉస్మానియా విశ్వవిద్యాలయంలో వేణుగోపాల్ రెడ్డి శవయాత్ర సందర్భంగా నెలకొన్న ఉద్రిక్తత గురించి తనకు తెలియదని ముఖ్యమంత్రి కె. రోశయ్య అనడాన్ని తెలుగుదేశం పార్టీ నాయకుడు నాగం జనార్దన్ రెడ్డి ఎద్దేవా చేశారు. తాము రాజీనామాలకు కట్టుబడి ఉన్నామని ఆయన చెప్పారు. తెలంగాణ రాష్ట్ర ఏర్పాటుకు డిసెంబర్ 9వ తేదీన కేంద్ర హోం మంత్రి పి. చిదంబరం చేసిన ప్రకటన అత్యంత కీలకమైందని, ఆ ప్రకటన నుంచి ప్రభుత్వం వెనక్కి పోతే రాజ్యాంగ వ్యవస్థలపై ప్రజలకు నమ్మకం పోతుందని తెలుగుదేశం పార్టీ నాయకుడు టి. దేవేందర్ గౌడ్ అన్నారు. తెలంగాణ ప్రజలు ప్రత్యేక రాష్ట్రంలో ఆత్మగౌరవంతో జీవించాలని భావిస్తున్నారని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X