సముద్రంలో కూలిన ఇథియోపియా విమానం

బీరుట్: ఇథియోపియా విమానం ఒకటి సోమవారం తెల్లవారు జామున సముద్రంలో కూలింది. బీరుట్ అంతర్జాతీయ విమానాశ్రంయం నుంచి బయలుదేరిన కొద్దిసేపటికే విమానం సముద్రంలో కూలిపోయింది. ఆ సమయంలో విమానంలో 85 మంది ప్రయాణికులున్నారు. టేకాఫ్ అయిన ఐదు నిమిషాలకే రాడార్ కు అందకుండా పోయినట్లు తెలుస్తోంది.

ప్రయాణికుల్లో 50 మంది లెబనాన్ కు చెందినవారని, మిగతావారిలో చాలా మంది ఇథియోపియాకు చెందినవారని సమాచారం. విమానంలో ఏడుగురు సిబ్బంది ఉన్నట్లు చెబుతున్నారు. బీరుట్ నుంచి బయలుదేరిన ఈ విమానం ఇథియోపియా రాజధాని అడ్డీస్ అబాబాకు వెళ్లాల్సి ఉందని చెబుతున్నారు. విమానం కూలిపోతుండగా సముద్ర తీరంలో ఉన్నవారు చూసినట్లు చెబుతున్నారు. దీనిపై మాట్లాడడానికి సంస్థ అధికారులు అందుబాటులో లేరు.