సమన్వయ కమిటీపై మందా అసంతృప్తి

న్యూఢిల్లీ: ప్రదేశ్ కాంగ్రెసు కమిటీ (పిసిసి) సమన్వయ కమిటీ కూర్పుపై కాంగ్రెసు తెలంగాణ పార్లమెంటు సభ్యుడు మందా జగన్నాథం అసంతృప్తి వ్యక్తం చేశారు. కమిటీలో సమైక్యవాదులకు స్థానం కల్పించారని ఆయన శనివారం మీడియా ప్రతినిధుల సమావేశంలో విమర్శించారు. అయితే తాను సమన్వయ కమిటీ ఏర్పాటును స్వాగతిస్తున్నట్లు ఆయన చెప్పారు.

సమన్వయ కమిటీ కూర్పుపై ప్రజల్లో కొన్ని అపోహలున్నాయని ఆయన అన్నారు. కమిటీలో సీమాంధ్రకు చెందిన పార్లమెంటు సభ్యులకు స్థానం కల్పించారని, తెలంగాణకు చెందిన పార్లమెంటు సభ్యులకు స్థానం కల్పించలేదని ఆయన అన్నారు. ఈ విషయాన్ని తాను పార్టీ అధిష్టానం దృష్టికి తీసికెళ్తానని ఆయన అన్నారు.