8న కమిటీ విధివిధానాలు వెల్లడి

న్యూఢిల్లీ: ఆంధ్రప్రదేశ్ పరిస్థితులపై కేంద్ర ప్రభుత్వం వేసిన శ్రీకృష్ణ కమిటీ విధి విధానాలను కేంద్ర ప్రభుత్వం ఖరారు చేసింది. వీటిని సోమవారం ప్రకటించే అవకాశం ఉంది. హోం మంత్రిత్వ శాఖ వర్గాలు ఈ విషయం చెబుతున్నాయి. కమిటీ చైర్మన్ జస్టిస్ శ్రీకృష్ణను కలుసుకునేందుకు సభ్య కార్యదర్శి వీకే దుగ్గల్ గురువారం ముంబై వెళ్లారు. ఆయనతో మాట్లాడి శుక్రవారం ఢిల్లీ తిరిగి వచ్చారు.

శ్రీకృష్ణను కలిసి వచ్చిన తర్వాత హోంమంత్రి చిదంబరంతో సమావేశమయ్యారు. కమిటీ విధి విధానాలపై అరగంట పాటు చర్చించారు. జస్టిస్ శ్రీకృష్ణ అభిప్రాయాలను కూడా ఆయన తెలియజేసినట్టు సమాచారం. కమిటీ విధి విధానాలను ఒకటిరెండు రోజుల్లో ప్రకటిస్తామని చిదంబరం కూడా కాంగ్రెసు వర్కింగ్ కమిటీ సమావేశంలో చెప్పారు. కమిటీ విధివిధానాలపై, పనిచేసే తీరుపై కమిటీ సభ్యులు ఇప్పటికే మీడియాతో మాట్లాడుతున్నారు. తాము పనిచేసే తీరుపై కూడా చెబుతున్నారు.