తెలంగాణ జాతరకు హైకోర్టు అనుమతి

హైదరాబాద్: తెలంగాణ జాతరకు హైకోర్టు బుధవారం అనుమతి ఇచ్చింది. దీనికి హైకోర్టు షరతులతో కూడిన అనుమతి ఇచ్చింది. తెలంగాణ సాంస్కృతిక వైభవాన్ని తెలియజేయడానికి ఈ నెల 11, 12, 13 తేదీల్లో హైదరాబాదులోని నిజాం కళాశాల మైదానంలో తెలంగాణ జాతరను తలపెట్టింది. దీనికి పోలీసులు అనుమతి నిరాకరించారు. దీంతో కళాకారులు హైకోర్టును ఆశ్రయించారు.

తెలంగాణ జాతరను ప్రతి రోజు సాయంత్రం ఐదు గంటల నుంచి రాత్రి పది గంటల వరకు మాత్రమే నిర్వహించుకోవాలని, రాజకీయాలు జాతరలో ఉండకూడదని హైకోర్టు ఆదేశించింది. ఆ మేరకు జాతరను నిర్వహిస్తామని రసమయి బాలకిషన్ చెప్పారు. తెలంగాణ సాంస్కృతిక వైభవాన్ని చాటి చెప్పడానికి ఈ జాతరను నిర్వహిస్తున్నట్లు ఆయన తెలిపారు. తెలంగాణలోని వాగ్గేయకారులు, కళాకారులు ఈ జాతరకు వచ్చి ప్రదర్శనలు ఇస్తారని ఆయన చెప్పారు.