'సత్యం' కేసు కోసం ప్రత్యేక న్యాయస్ధానం

హైదరాబాద్‌: 'సత్యం' కేసు విచారణ ఇక ప్రత్యేక న్యాయస్థానంలో జరగనుంది. విచారణను వేగవంతం చేసేందుకు నాంపల్లి కోర్టు ప్రాంగణంలోనే ప్రత్యేక న్యాయస్థానాన్ని ఏర్పాటు చేశారు. న్యాయమూర్తిగా డీవీఎన్‌ఎల్‌ చక్రవర్తి నియమితులయ్యారు. నూతన బాధ్యతలను చక్రవర్తి స్వీకరించారు.

కాగా కేసుకు సంబంధించిన బాధితులు ఏదైనా వివరాలు ఇవ్వాలనుకుంటే ప్రత్యేక కోర్టుకు హాజరుకావాలని మెట్రోపాలిటన్‌ సెషన్స్‌ జడ్జి విజయలకి తెలిపారు. కొన్ని వేల కోట్ల కుంభకోణానికి సత్యం రామలింగరాజు సోదరులు పాల్పడినట్టు ఆరోపణలు ఉన్నాయి. సత్యం కుంభకోణం భారతదేశ కార్పొరేట్ చరిత్రలోనే అత్యంత పెద్దది.