తిరుపతి విమానాశ్రయ విస్తరణ పనులు త్వరలో

తిరుమల: అంతర్జాతీయ స్థాయి కల్పించిన మేరకు తిరుపతి విమానాశ్రయం విస్తరణ పనులను త్వరలో ప్రారంభిస్తామని కేంద్ర పౌర విమానయాన శాఖ మంత్రి ప్రఫుల్‌ పటేల్‌ హామీ ఇచ్చారు. తిరుమల శ్రీ వేంకటేశ్వరస్వామి వారిని మంత్రి తన జన్మదినం సందర్భంగా బుధవారం దర్శించుకున్నారు.

ఈ సందర్భంగా పటేల్‌ మాట్లాడుతూ ప్రముఖ పుణ్యక్షేత్రమైన తిరుపతి విమానాశ్రయానికి దేశ, విదేశాల నుంచి విమాన సర్వీసులు నడిచేలా చర్యలు తీసుకున్నట్లు తెలిపారు. ఇందులో భాగంగా చేపట్టాల్సిన విస్తరణ పనులకు ప్రధాని మన్మోహన్‌ సింగ్‌ త్వరలో శంకుస్థాపన చేయనున్నట్లు ప్రకటించారు. విమాన సర్వీసుల ఛార్జీలు పెంచే అంశం కేంద్ర ప్రభుత్వ పరిధిలో లేదని ఓ ప్రశ్నకు సమాధానంగా చెప్పారు.