ఆంధ్రప్రదేశ్ కు రైళ్లు: తిరుపతికి ప్రాధాన్యం

న్యూఢిల్లీ: కొత్త రైళ్ల విషయంలోనూ రైల్వే మంత్రి మమతా బెనర్జీ రాష్ట్రానికి పెద్ద పీట వేశారు. తెలంగాణకు ఇందులో ప్రాధాన్యం దక్కింది. 2010 - 2011 సంవత్సరానికి ఆమె బుధవారం పార్లమెంటులో ప్రతిపాదించిన రైల్వే బడ్జెట్ లో పుణ్య క్షేత్రం తిరుపతికి కూడా ప్రాధాన్యం దక్కింది. దాదాపుగా దేశంలోని అన్ని ప్రాంతాల నుంచి తిరుపతికి కనెక్టివిటీ ఉండేలా చూశారు. తిరుపతికి మూడు ఇంటర్ సిటీ ఎక్స్ ప్రెస్ రైళ్లను ప్రతిపాదించారు. నాసిక్ - హైదరాబాద్ ల మధ్య పర్యాటక భారత్ తీర్థ్ రైలు ప్రతిపాదించారు. అలాగే హైదరాబాద్ - విశాఖపట్నం - హౌరాల మధ్య కూడా భారత్ తీర్థ్ రైలు నడుస్తుంది. విశాఖపట్నం నుంచి ఢిల్లీకి నడుస్తున్న రైలు ఇక ప్రతిరోజూ ఉంటుంది.

కొత్త రైళ్లు

- తిరుపతి - మదనపల్లె ప్యాసింజర్

- విజయవాడ - గుంటూరు - చెన్నై ప్యాసింజర్ రైలు

- మధురై - తిరుపతి రైలు

- తిరుపతి - సికింద్రాబాద్ ఎక్స్ ప్రెస్ రైలు

- బెంగుళూర్ - తిరుపతి ఇంటర్ సిటీ

- కాచిగూడా - మిర్యాలగుడా ప్యాసింజర్

- జహీరాబాద్ - సికింద్రాబాద్ ప్యాసింజర్

- కాచిగుడా - మహబూబ్ నగర్ ప్యాసింజర్

- షిర్డీ వరకు కాకినాడ - మన్మాడ్ ఎక్స్ ప్రెస్ పొడగింపు

- షిర్డీ వరకు సికింద్రాబాద్ - మన్మాడ్ ఎక్స్ ప్రెస్ పొడగింపు

- తిరుపతి - కాంచీపురం మధ్య కొత్త రైలు

- మెసూర్ - బెంగుళూర్ - తిరుపతి - పూణే

- ముంబై - సికింద్రాబాద్

- ముంబయి - పూణే - తిరుపతి - కాంచీపురం

- మధురై - తిరుపతి

- ఫలక్ నుమా - లింగంపల్లిల మధ్య మహిళలకు ప్రత్యేకంగా రైలు