• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మార్చి మొదట్లో రాష్ట్రానికి శ్రీకృష్ణ కమిటీ

By Pratap
|

Srikrishna
న్యూఢిల్లీ: శ్రీకృష్ణ కమిటీ సభ్యులు మార్చి మొదటివారంలో రాష్ట్రంలో పర్యటించే అవకాశం ఉంది. మార్చి 4,5,6 తేదీల్లో కమిటీ సభ్యులు రాష్ట్రంలో పర్యటించే అవకాశం ఉంది. హైదరాబాద్ నుంచి కమిటీ సభ్య కార్యదర్శి తిరిగి వచ్చిన తర్వాత కమిటీ సమావేశం గురువారం సమావేశమైంది. తన హైదరాబాద్ పర్యటన వివరాలను దుగ్గల్ సభ్యులకు వివరించారు. కమిటీ సభ్యుల మధ్య గురువారం సమావేశంలో పని విభజన కూడా జరిగింది. సమావేశం చాలా బాగా జరిగిందని జస్టిస్ శ్రీకృష్ణ సమావేశానంతరం మీడియా ప్రతినిధులతో అన్నారు. మార్చి మొదటివారంలో తాము హైదరాబాద్ వెళ్తామని ఆయన చెప్పారు. తమ సమావేశంలో అనేక విషయాలు చర్చకు వచ్చాయన్నారు.

ప్రాథమిక సంప్రదింపులు ప్రారంభిస్తామని, తమకు పెద్ద యెత్తున ఆర్జీలు వస్తున్నాయని, వాటిలోని అంశాలను విశ్లేషిస్తామని ఆయన చెప్పారు. ప్రజల నుంచి వచ్చిన అభిప్రాయాలను రెండు నెలల పాటు క్షుణ్నంగా పరిశీలిస్తామని చెప్పారు. కమిటీ తదుపరి సమావేశం హైదరాబాద్ లో ఉంటుందని చెప్పారు. కమిటీ తన బాధ్యతలను విజయవంతంగా పూర్తి చేస్తుందని ఆనయ చెప్పారు.కాగా, కమిటీ దఫాల వారీగా ప్రభుత్వానికి నివేదికలు సమర్పించే అవకాశం ఉన్నట్లు చెబుతున్నారు. తుది నివేదికను సెప్టెంబర్ 30వ తేదీ నాటికి రూపొందించే లక్ష్యంతో కమిటీ పనిచేస్తున్నట్లు సమాచారం.

కాగా, కమిటీ సభ్యుల మధ్య పని విభజన కూడా జరిగినట్లు చేస్తుంది. వికె దుగ్గల్, రణబీర్ సింగ్ రాజకీయ, చారిత్రక, పరిపాలన, న్యాయపరమైన అంశాలపై అధ్యయనం చేస్తారు. సలే, రవీందర్ కౌర్ ఆర్థిక, సామాజిక, సాంస్కృతిక అంశాలపై అధ్యయనం చేస్తారు. తమకు అభిప్రాయాలు తెలియజేయాలని కమిటీ రాష్ట్రంలోని ఎనిమిది పార్టీలకు లేఖలు రాసింది. పార్టీ అధ్యక్షుల అభిప్రాయం మాత్రమే వెల్లడించాలని కమిటీ స్పష్టం చేసింది. పార్టీ రాష్ట్ర శాఖలు అభిప్రాయం చెబుతాయా, అధిష్టానాలు చెబుతాయా అనేది ఆయా పార్టీల ఇష్టానికే వదిలేసినట్లు కమిటీ తెలిపింది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X