పాక్ ఆత్మాహుతి దాడిలో ముగ్గురు మృతి

పెషావర్: పాకిస్తాన్ లో శనివారం జరిగిన ఆత్మాహుతి దాడిలో ముగ్గురు మరణించారు. మృతుల్లో ఇద్దరు పోలీసులు, ఒక పౌరుడు ఉన్నారు. ఆత్మాహుతి బాంబర్ వ్యాన్ లో పోలీసు స్టేషన్ లోకి దూసుకొచ్చి తనను పేల్చేసుకోవడంతో ఈ దారుణం సంభవించింది. పాకిస్తాన్ లోని కరక్ పట్టణంలోని ప్రధాన పోలీసు స్టేషన్ ద్వారం వద్ద ఈ సంఘటన చోటు చేసుకుంది.

ఈ ఘటనలో 26 మంది దాకా గాయపడినట్లు, వీరిలో 21 మంది పోలీసులేనని పోలీసులు చెప్పారు. ఆస్పత్రికి మూడు శవాలు, 26 మంది క్షతగాత్రులు వచ్చినట్లు స్థానిక ఆస్పత్రి వైద్యుడు నజ్రుల్ ఇస్లామ్ చెప్పారు. గాయపడినవారిలో కొంత మంది పరిస్థితి ఆందోళనకరంగా ఉన్నట్లు తెలిపారు.