విజయవాడలో సెక్స్ రాకెట్ గుట్టు రట్టు

విజయవాడ: విజయవాడ బస్టాండ్ కేంద్రంగా పనిచేస్తున్న సెక్స్ రాకెట్ గుట్టును పోలీసులు గురువారం రట్టు చేశారు. సెక్స్ రాకెట్ నిర్వాహకుడు వంశీకృష్ణను పోలీసులు కృష్ణా జిల్లా మచిలీపట్నంలో అరెస్టు చేశారు. రాణి అనే యువతి హత్య కేసు దర్యాప్తులో ఈ సెక్స్ రాకెట్ గుట్టు బయటపడింది. వంశీకృష్ణను పోలీసులు మచిలీపట్నం కోర్టులో ప్రవేశపెట్టారు. విజయవాడ, మచిలీపట్నం, మంగళగిరి కేంద్రాలుగా సెక్స్ రాకెట్ నడుస్తోందనే సమాచారంతో పోలీసులు నిఘా పెట్టారు.

వంశీకృష్ణ ఏడుగురు యువతులను లోబరుచుకుని నల్లగొండలోని వ్యభిచార కేంద్రానికి అమ్మినట్లు తెలుస్తోంది. ఎనిమిదో అమ్మాయి రాణిని అమ్మడానికి ప్రయత్నిస్తుండగా ఆ అమ్మాయి తప్పించుకోవడానికి ప్రయత్నించింది. దీంతో ఆమెను వంశీకృష్ణ మచిలీపట్నం బీచ్ రిసార్ట్ లో హత్య చేసినట్లు తెలుస్తోంది. ఈ విషయాన్ని పోలీసుల విచారణలో వంశీకృష్ణ అంగీకరించినట్లు సమాచారం.