యుపిలో తొక్కిసలాట: 60 మంది మృతి

లక్నో: ఉత్తరప్రదేశ్ లోని ప్రతాప్ ఘర్ జిల్లాలో గల రామ్ జానకీ ఆలయానికి చెందిన కృపాల్ జీ మహరాజ్ ఆశ్రమంలో గురువారం తొక్కిసలాట చోటు చేసుకుంది. ఈ దుర్ఝటనలో 60 మంది మరణించారు. పలువురు గాయపడ్డారు. ఆలయం ప్రధాన ద్వారా కూలిపోవడంతో ఈ తొక్కిసలాట చోటు చేసుకుంది. మృతుల్లో ఎక్కువ మంది మహిళలే.

స్వామి కృపాల్జీ మహరాజ్ భందారాకు హాజరు కావడానికి పెద్ద యెత్తున ప్రజలు తరలి వచ్చారు. ఈ సమయంలో ప్రధాన ద్వారం కూలిపోయింది. భయాందోళనలకు గురైన ప్రజలు తప్పించుకోవడానికి ప్రయత్నించడంతో తొక్కిసలాట చోటు చేసుకుంది. పోలీసులు, పాలనా యంత్రాంగం అధికారులు సంఘటనా స్థలానికి చేరుకున్నారు. సహాయ చర్యలు చేపట్టారు. మరిన్ని వివరాలు అందించాల్సి ఉంది.