రాజ్యసభలో బిజెపి తెలంగాణ ప్రైవేట్ బిల్లు

న్యూఢిల్లీ: తెలంగాణపై భారతీయ జనతా పార్టీ (బిజెపి) ముందడుగు వేస్తోంది. తెలంగాణపై ప్రైవేట్ తీర్మానాన్ని రాజ్యసభలో ప్రతిపాదించేందుకు సమాయత్తమవుతోంది. రేపు శుక్రవారం మధ్యాహ్నం రెండున్నర గంటల తర్వాత రాజ్యసభలో బిజెపి ప్రైవేట్ బిల్లును ప్రతిపాదించే అవకాశాలున్నట్లు తెలుస్తోంది. ప్రతాప్ రూఢీ గానీ ప్రకాష్ జవదేకర్ గానీ ఆ బిల్లును ప్రతిపాదించే అవకాశాలున్నట్లు తెలుస్తోంది.

ఇది వరకే దాన్ని ప్రతిపాదించాలని అనుకున్నప్పటి్కీ మహిళా బిల్లు వల్ల ఆలస్యం జరిగినట్లు భావిస్తున్నారు. కాంగ్రెసు, తెలుగుదేశం పార్టీలు రన్నింగ్ రేసులో ఉన్నాయని, వాటికి తెలంగాణపై చిత్తశుద్ధి లేదని బిజెపి సీనియర్ నేత బండారు దత్తాత్రేయ ఒక ప్రైవేట్ టీవీ చానెల్ తో అన్నారు. తాము నిజాయితీతో తెలంగాణను సమర్థిస్తున్నామని, పార్లమెంటులో బిల్లు పెడితే బలపరుస్తామని ఆయన అన్నారు.