సెలవుపై వెళ్లాలని దినకరన్ కు ఆదేశాలు

న్యూఢిల్లీ: సెలవుపై వెళ్లాల్సిందిగా సుప్రీంకోర్టు కర్నాటక హైకోర్టు ప్రధాన న్యాయమూర్తి పిడి దినకరన్ ను ఆదేశించింది. అవినీతి ఆరోపణలు రావడంతో సుప్రీంకోర్టు న్యాయమూర్తిగా దినకరన్ నియామకం ఆగిపోయిన విషయం తెలిసిందే. నిరుడు డిసెంబర్ నుంచి దినకరన్ ఏవిధమైన న్యాయపరమైన పనులు నెరవేర్చకపోవడం వల్ల, పలు న్యాయపరమైన పనులు దాంతో ఆగిపోయినందున దినకరన్ ను సెలవుపై వెళ్లాలని ఆదేశించాలని సుప్రీంకోర్టు న్యాయమూర్తుల మండలి నిర్ణయం తీసుకున్నట్లు సమాచారం.

అంతేకాకుండా ఢిల్లీ హైకోర్టు యాక్టింగ్ చీఫ్ జస్టిస్ మదన్ బి లోకూర్ ను కర్నాటక హైకోర్టు ప్రధాన న్యాయమూర్తిగా నియమిస్తూ సుప్రీంకోర్టు న్యాయమూర్తుల మండలి నిర్ణయం తీసుకున్నట్లు సమాచారం. ఆదాయానికి మించి ఆస్తులు కూడబెట్టారని దినకరన్ ఆరోపణలు ఎదుర్కుంటున్నారు.