కాకాపై కాంగ్రెసు నేతల గరం గరం

హైదరాబాద్: దివంగత నేత వైయస్ రాజశేఖర రెడ్డిపై తీవ్రమైన వ్యాఖ్యలు చేసిన తమ పార్టీ సీనియర్ నాయకుడు జి. వెంకటస్వామి (కాకా)పై ఇద్దరు కాంగ్రెసు నాయకులు గోనే ప్రకాశరావు, మల్లు భట్టి విక్రమార్క తీవ్రంగా మండిపడ్డారు. వెంకటస్వామికి మతి భ్రమించిందని వారు విడివిడిగా మీడియా ప్రతినిధులతో అన్నారు. పిచ్చాసుపత్రిలో వెంకటస్వామి చెక్ చేయించుకోవాలని వారు సూచించారు. మహానేత వైయస్ రాజశేఖర రెడ్డిని విమర్శించే హక్కు వెంకటస్వామికి లేదని ఆయన అన్నారు.

కాకా చేష్టలు దళితులను అవమానించే విధంగా ఉన్నాయని మల్లు భట్టి విక్రమార్క అన్నారు. వైయస్సార్, వెంకటస్వామి తెలంగాణకు అన్యాయం చేశారని గొనే ప్రకాశరావు అన్నారు. కాకా కుటుంబ సభ్యులకు ద్రోహం చేసి 320 కోట్ల రూపాయలు దోచుకున్నారని ఆయన ఆరోపించారు. హైదరాబాదులోని బంజారాహిల్స్ భూమి తనకు సొంతమైతే ఎందుకు దాన్ని తీసుకోవడం లేదని ఆయన అడిగారు.