జగన్ కే కాదు, నాకూ జనం వస్తారు: విహిచ్

హైదరాబాద్: కాంగ్రెసు కడప పార్లమెంటు సభ్యుడు వైయస్ జగన్ ఓదార్పు యాత్రపై కాంగ్రెసు సీనినయర్ నాయకుడు వి. హనుమంతరావు సంచలన వ్యాఖ్యలు చేశారు. జగన్ ఓదార్పు యాత్రకు ప్రజలు పెద్ద సంఖ్యలో వస్తున్నారనే వార్తలపై ఆయన ఆ వ్యాఖ్యలు చేశారు. జగనే కాదు, ఎవరు పర్యటన చేసినా ప్రజలు వస్తారని, తాను చేసినా ప్రజలు పెద్ద యెత్తున వస్తారని ఆయన శనివారం మీడియా ప్రతినిధులతో అన్నారు.

వైయస్ జగన్ ఓదార్పు యాత్రకు పార్టీ అధిష్టానం అనుమతి ఇచ్చిందని, తాను అడిగితే గతంలో ఇవ్వలేదని ఆయన అన్నారు. దివంగత నేత వైయస్ రాజశేఖర రెడ్డి పాదయాత్ర చేసిన సమయంలో తాను కూడా అనుమతి అడిగానని, అయితే తనకు అధిష్టానం అనుమతి ఇవ్వలేదని ఆయన చెప్పారు. పార్టీ అధిష్టానం అనుమతిస్తే తాను కూడా ప్రజల వద్దకు వెళ్తానని ఆయన చెప్పారు. గతంలో తాను రాష్ట్రవ్యాప్తంగా పర్యటిస్తానని ఆయన చెప్పారు.