కాంగ్రెసువారు పందికొక్కులు: బాబు

హైదరాబాద్: జాతీయ ఉపాధి హామీ పథకం నిధులను కాంగ్రెసు వారు పందికొక్కుల్లా తింటున్నారని తెలుగుదేశం పార్టీ అధ్యక్షుడు నారా చంద్రబాబు నాయుడు వ్యాఖ్యానించారు. కాంగ్రెసు ప్రజలకు ఇచ్చిన హామీలన్నింటినీ విస్మరిస్తోందని ఆయన సోమవారం పార్టీ సమావేశంలో అన్నారు. కరెంట్ ఎప్పుడుస్తుందో, ఎప్పుడు పొతుందో తెలియడం లేదని, దీంతో పంటలు ఎండిపోతున్నాయని ఆయన అన్నారు. కరెంటు సరిగా లేక ఓ రైతు కరెంటు తీగలు పట్టుకుని మరణించిన విషయాన్ని ఆయన గుర్తు చేశారు.

ఎన్నికలకు ముందు రేషన్ కార్డులు ఇచ్చారని, పింఛన్లు ఇచ్చారని, ఇప్పుడు వాటిని రద్దు చేస్తున్నారని ఆయన అన్నారు. ఇళ్లు కడతామని చెప్పి బిల్లులు చెల్లించడం లేదని, పైగా తప్పుడు బిల్లులతో డబ్బులు తీసుకుంటున్నారని ఆయన అన్నారు. మహారాష్ట్ర ప్రభుత్వం అక్రమంగా బాబ్లీతో సహా పలు అక్రమ ప్రాజెక్టులను నిర్మిస్తున్నా ప్రభుత్వం పట్టించుకోవడం లేదని ఆయన అన్నారు.