శ్రీకాళహస్తి ఆలయానికి రికార్డు స్ధాయి ఆదాయం

శ్రీకాళహస్తి: శ్రీకాళహస్తీశ్వర దేవస్థానం చరిత్రలో ఎన్నడూ లేని విధంగా నెలరోజుల్లోనే 65 లక్షల రూపాయలు ఆదాయం లభించినట్లు ఇఓ శ్రీరామచంద్రమూర్తి తెలిపారు. 30 రోజులకు ఒకమారు శ్రీకాళహస్తిశ్వరుని హుండీ ఆదాయాన్ని లెక్కిస్తారు. ఇందులో భాగంగా మార్చి 15 నుండి ఏప్రిల్ 15వతేది వరకూ హుండీలో భక్తులు సమర్పించే కానుకలను సోమవారం లెక్కించారు. ఇందులో 65,28,675 రూపాయల నగదులతో పాటు 188 గ్రాముల బంగారు, 460 కిలోల వెండి, 60 విదేశీ కరెన్సీనోట్లు హుండీ ద్వారా లభించాయి.

గత ఏడాది శివరాత్రి పర్వదినంతో కలుపుకుని మార్చి మాసంలో 64 లక్షల రూపాయల మాత్రమే హుండీ ద్వారా ఆధాయం లభించింది. అయితే ఆ రికార్డును ఈ మారు సాదారణ రోజుల్లోనే అదిగమించినట్లు అయ్యింది. కమీషనర్ జేఎస్‌వి ప్రసాద్ ఆదేశాల మేరకు ఈ హుండీ లెక్కింపులో మహిళా సిబ్బందిని వినియోగించకుండా పూర్తిగా పురుషులతోనే లెక్కంపు చేపట్టారు.కాగా ఇకపై ఫ్రతి 15 రోజులకు ఒక మారు హుండీ లెక్కింపు చేయనున్నట్లు ఇఓ తెలిపారు.