రాములమ్మతో మందకృష్ణ భేటీ

హైదరాబాద్: తెలంగాణ రాష్ట్ర సమితి (తెరాస) పార్లమెంటు సభ్యురాలు విజయశాంతిని మాదిగ రిజర్వేషన్ పోరాట సమితి (ఎమ్మార్పీయస్) నేత మందకృష్ణ మాదిగ కలుసుకున్నారు. వారిరువురి మధ్య మంగళవారం రాత్రి భేటీ జరిగింది. తెరాసలో కీలక పాత్ర పోషిస్తున్న విజయశాంతిని మందకృష్ణ కలుసుకోవడం ప్రాధాన్యం వహిస్తోంది. చాలా కాలంగా మందకృష్ణ తెరాసకు దూరంగా ఉంటున్నారు. ఆయన తిరిగి తెరాసకు మద్దతుగా ముందుకు వస్తారనే ఊహాగానాలు చెలరేగుతున్నాయి.

వరంగల్ లోని కాకతీయ విశ్వవిద్యాలయంలోని సభలో జరిగిన గొడవతో కెసిఆర్ కు, మందకృష్ణ మాదిగకు మధ్య విభేదాలు వచ్చాయి. తనపై కెసిఆర్ దాడి చేయించారని మందకృష్ణ మాదిగ ఆరోపించారు. కెసిఆర్ పై తీవ్ర వ్యాఖ్యలు చేశారు. అప్పటి నుంచి మందకృష్ణ మాదిగ తెరాసకు దూరంగానే ఉంటున్నారు. విజయశాంతితో భేటీ ద్వారా తిరిగి తెరాసకు దగ్గర కావాలని మందకృష్ణ మాదిగ ప్రయత్నిస్తున్నారని భావిస్తున్నారు.