శ్రీకాకుళంలో 25 నుంచి జగన్ యాత్ర

శ్రీకాకుళం: వైయస్ రాజశేఖరరెడ్డి హఠాన్మరణాన్ని తట్టుకోలేక ప్రాణాలు విడిచిన అభిమానుల కుటుంబాలను పరామర్శించేందుకు జగన్మోహన్ రెడ్డి ఈ నెల 25, 26, 27 తేదీల్లో శ్రీకాకుళం జిల్లాలో ఓదార్పు యాత్ర నిర్వహించనున్నారు. ఆ ఓదార్పు యాత్ర సరళిని డీసీసీ సోమవారం ఖరారు చేసింది. జగన్‌ హైదరాబాద్‌ నుంచి ఫలక్‌నుమా ఎక్స్‌ప్రెస్‌లో 25వ తేదీ ఉదయం ఇచ్ఛాపురం చేరుకుంటారు. అక్కడ నుంచి యాత్రకు శ్రీకారం చుడతారు.

ప్రజాప్రస్థానం పాదయాత్ర విజయవాటిక వద్ద వైయస్ రాజశేఖర రెడ్డికి నివాళులు అర్పించి జగన్మోహన్ రెడ్డి తొలిరోజు ఇచ్ఛాపురంలో యాత్రకు శ్రీకారం చుడతారు. అక్కడే పార్టీ శ్రేణులు, అభిమానులను ఉద్దేశించి ప్రసంగిస్తారు. అనంతరం ఓదార్పు యాత్రను ప్రారంభిస్తారు.