బాలయ్య యాత్రకు పొలిటికల్ టచ్

నల్లగొండ: సినీ నటుడు బాలయ్య సింహా విజయయాత్రకు పొలిటికల్ టచ్ ఇచ్చే అవకాశం ఉన్నట్లు ఊహాగానాలు చెలరేగుతున్నాయి. ఆయన, సింహా సినిమా యూనిట్ తో కలిసి విజయయాత్ర చేపట్టారు. ఇందులో భాగంగా ఆయన మంగళవారం ఉదయం నల్లగొండ జిల్లాలోని యాదగిరిగుట్ట లక్ష్మీనరసింహా స్వామిని దర్శించుకున్నారు. ఆయనకు ఆలయ అధికారులు స్వాగతం చెప్పారు. యాదగిరిగుట్టలో ఆయన ప్రత్యేక పూజలు నిర్వహించారు.

బాలకృష్ణ సింహా విజయయాత్ర ఈ నెల 21వ తేదీ వరకు జరుగుతుంది. ఈ యాత్రలో ఆయన రాష్ట్రంలోని అన్ని లక్ష్మినరసింహా స్వామి దేవాలయాలను సందర్శిస్తారు. ఈ యాత్ర సందర్భంగా ఆయన తన రాజకీయ ఆరంగేట్రం గురించి సంకేతాలు ఇచ్చే అవకాశాలున్నట్లు భావిస్తున్నారు.