పాక్ లో ఆత్మాహుతి దాడి: 12 మంది మృతి

ఇస్లామాబాద్: పాకిస్తాన్ లో మంగళవారం జరిగిన ఆత్మాహుతి కారు బాంబర్ దాడిలో 12 మంది మరణించారు. పాకిస్తాన్ లోని డేరా ఇస్మాయిల్ ఖాన్ లో ఈ దారుణం సంభవించింది. మృతుల్లో ముగ్గురు పోలీసులు, ఓ వైద్యుడు ఉన్నారు. పోలీసు అధికారి తన వ్యక్తులతో పోలీసు స్టేషన్ కు వెళ్తుండగా పోలీసు వాహనంపై బాంబర్ దాడి చేసినట్లు పోలీసు అధికారి ఇఫ్తెకార్ ఖాన్ చెప్పారు.

తమ ఆస్పత్రికి 12 మృత దేహాలు వచ్చాయని, పది మంది క్షతగాత్రులు వచ్చారని పట్టణంలోని ఓ ఆస్పత్రి వైద్యుడు చెప్పాడు. మృతుల్లో ఇద్దరు పిల్లలు కూడా ఉన్నట్లు ఆయన చెప్పారు. ఈ దాడికి తామే బాధ్యలమంటూ ఇప్పటి వరకు ఏ సంస్థ కూడా ప్రకటన చేయలేదు.