పార్టీలో వర్గపోరుపై చంద్రబాబు హెచ్చరిక

తిరుపతి: చిత్తూరు జిల్లాలో టిడీపిలో అంతర్గత కలహాలు చంద్రబాబుకు కలవరం కలిగిస్తున్నాయి. అంతర్గత గ్రూపు రాజకీయాలను సహించబోనని తెలుగుదేశం పార్టీ అధ్యక్షుడు చంద్రబాబు నాయుడు ఆదివారం హెచ్చరించారు. పార్టీలో ప్రతీ నేతా క్రమశిక్షణ కలిగి ఉండాలని ఉద్భోదించారు. ప్రకాశం జిల్లా పర్యటన ముగించుకుని తిరుపతి వచ్చిన చంద్రబాబు పార్టీ శ్రేణులను ఉద్దేశించి మాట్లాడారు.

నేతలు ఏ మాట మాట్లాడినా పార్టీ పటిష్టమయ్యేలా ఉండాలని సూచించారు. ప్రస్తుతం టీడీపీ పట్ల ప్రజల్లో సానుకూల ధోరణి పెరిగిందని, పార్టీ పటిష్టతకు ఇదొక మంచి అవకాశంగా భావించాలని అన్నారు. చిత్తూరు జిల్లాలో పార్టీ పటిష్టతకు ఉద్దేశించి చంద్రబాబు సమీక్షా సమావేశాలు నిర్వహిస్తూ బిజీగా ఉన్నారు.