శ్రీకాళహస్తి ఆలయ గోపురాన్ని పునర్నిరిస్తాం: రోశయ్య

హైదరాబాద్: శ్రీకాళహస్తి ఆలయ రాజగోపురాన్ని పునర్నిర్మిస్తామని ముఖ్యమంత్రి రోశయ్య చెప్పారు. రాజగోపురం కూలిన విషయం విని ముందు దిగ్భ్రాంతి చెందానని ఆయన గురువారం సచివాలయంలో మీడియా ప్రతినిధుల సమావేశంలో అన్నారు. ఈ సంఘటనపై ఇప్పుడేమి మాట్లాడలేనని అన్నారు. ఆర్కియాలజీ శాఖతో కలిసి రాజగోపురాన్ని శాస్త్కోక్తంగా పునర్నిర్మించనున్నట్లు రోశయ్య తెలిపారు. రాజగోపురం కూలడం దురదృష్టకరమైని, అయితే దైవసంకల్పం మేరకు ఈ ఘటనలో ఎవరూ గాయపడలేదని అన్నారు.

శ్రీకాళహస్తి ఆలయ గోపురం కూలిపోవడం తమ వైఫల్యమేనని దేవాదాయ కమిషనర్ ప్రసాద్ అన్నారు. ఆర్కియాలజీ శాఖను సంప్రదించి పునర్నిర్మిస్తామని ఆయన అన్నారు. పురాతన దేవాలయాల తీరుపై అధ్యయనం చేసి సిఫార్సులు చేయడానికి ప్రత్యేక కమిటీని వేస్తామని ఆయన చెప్పారు.