వైయస్ జగన్ తెలంగాణ యాత్రపై రెచ్చగొడుతున్నారు: కొండా సురేఖ

హైదరాబాద్: తమ కాంగ్రెసు పార్టీ పార్లమెంటు సభ్యుడు వైయస్ జగన్మోహన్ వరంగల్ జిల్లా ఓదార్పు యాత్రపై ప్రజలను రెచ్చగొడుతున్నారని శాసనసభ్యురాలు కొండా సురేఖ మండిపడ్డారు. తన యాత్ర వ్యక్తిగతమనీ రాజకీయాలతో సంబంధం లేదనీ జగన్ చెప్పినా వినడం లేదని ఆమె గురువారం మీడియా ప్రతినిధులతో అన్నారు. ఖమ్మం జిల్లాలో జరిగినట్లే వరంగల్ జిల్లాలో జగన్ యాత్ర జరుగుతుందని ఆమె చెప్పారు.

ప్రజాస్వామ్యంలో ప్రతి ఒక్కరికీ నిరనన తెలిపే హక్కు ఉందని, జగన్ పర్యటన సందర్భంగా ఎవరైనా ప్రజాస్వామ్య పద్ధతిలో నిరసన వ్యక్తం చేయవచ్చునని, అయితే కొంత మంది ప్రజలను రెచ్చగొడుతున్నారని ఆమె అన్నారు. ఆ రకంగా వ్యవహరించవద్దని ఆమె వారికి సలహా ఇచ్చారు. జగన్ వరంగల్ జిల్లా యాత్ర జరిగి తీరుతుందని ఆమె దీమా వ్యక్తం చేశారు.