• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

హైకమాండ్ చెప్పినా వైయస్ జగన్ వినడా?: సిఎం రోశయ్య

By Pratap
|

Rosaiah
హైదరాబాద్: వరంగల్ జిల్లా ఓదార్పు యాత్రపై తమ కాంగ్రెసు పార్టీ పార్లమెంటు సభ్యుడు వైయస్ జగన్ తీరుపై ముఖ్యమంత్రి కె. రోశయ్య అసహనం వ్యక్తం చేశారు. ఆయన గురువారం అందుబాటులో ఉన్న మంత్రులతో అత్యవసరంగా సమావేశమై జగన్ శుక్రవారం నుంచి తలపెట్టిన ఓదార్పు యాత్రపై చర్చించారు. పార్టీ అధిష్టానం చెప్పినా వినరా అంటూ జగన్ పై ఆయన మండిపడినట్లు సమాచారం. జగన్ ఓదార్పు యాత్రను ఆపాల్సిన బాధ్యత మంత్రులపై ఉందని ఆయన అన్నట్లు చెబుతున్నారు.

రోశయ్య మంత్రులతో జగన్ యాత్రపైనే సమీక్షించినట్లు మంత్రి పెద్దిరెడ్డి రామచంద్రారెడ్డి చెప్పారు. ఎవరైనా అధిష్టానం సూచనలను పాటించాల్సిందేనని ఆయన మీడియా ప్రతినిధులతో అన్నారు. తెలంగాణలో ఉన్న పరిస్థితులను దృష్టిలో పెట్టుకుని జగన్ ఓదార్పు యాత్రను ఆపాల్సిన అవసరం ఉందని ముఖ్యమంత్రి అన్నట్లు తెలుస్తోంది. జగన్ యాత్ర జరిగితే తీసుకోవాల్సిన చర్యలపై రోశయ్య మంత్రులతో మాట్లాడారు. ముఖ్యమంత్రి నిర్వహించిన సమావేశానికి హైదరాబాద్, రంగారెడ్డి జిల్లాకు చెందిన మంత్రులు హాజరు కాలేదు. హోం మంత్రి సబితా ఇంద్రారెడ్డి మాత్రం ఆలస్యంగా వచ్చారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X