భవనంపై నుంచి పడి అబూ దుబాయ్ లో హైదరాబాదీ మృతి

దుబాయ్: హైదరాబాదుకు చెందిన ఓ వ్యక్తి యునైటెడ్ అరబ్ ఎమిరేట్స్ రాజధాని అబూ దుబాయ్ లో తన కార్యాలయం భవనం పైనుంచి పడి మరణించాడు. అతను ఆత్మహత్య చేసుకున్నాడా, లేదంటే మరేమైనా కారణం ఉందా అనే విషయం తేలడం లేదు. ఎమరిటి సిటీలోని ఓ ప్రైవేట్ కంపెనీలో ప్రసాద్ అనే ఆ మృతుడు ఆఫీస్ బాయ్ గా పనిచేస్తున్నాడు. భవనంపై నుంచి పడి అతను సోమవారం మరణించినట్లు పోలీసులు తెలిపారు.

అంతకు ముందు ప్రసాద్ కార్యాలయంలో ప్రతి ఒక్కరికీ తేనీరు అందించాడని, ఆ మరుక్షణమే అతను కింద పడిపోయిన శబ్దం వినిపించిందని సహ కార్మికుడు చెప్పాడు. కేసు దర్యాప్తు చేస్తున్నట్లు పోలీసులు తెలిపారు. ప్రసాద్ కు భార్య, ముగ్గురు పిల్లలు ఉన్నారు. ఆదివారం దుబాయ్ లో మరో భారత కార్మికుడు ఉరి వేసుకుని మరణించాడు.