హత్య కేసు నుంచి శిబూ సొరేన్ కు విముక్తి

గిరిధ్: జార్ఖండ్ ముఖ్యమంత్రి శిబూ సొరేన్ కు హత్య కేసు నుంచి విముక్తి లభించింది. 1974లో జరిగిన ఓ హత్య కేసు నిందితుడైన సొరేన్ పై సాక్ష్యాధారాలు లభించకపోవడంతో వీగిపోయింది. హత్య జరిగిన 26 ఏళ్లకు అదనపు జిల్లా న్యాయమూర్తి మొహమ్మద్ ఖాసిం ఈ తీర్పును మంగళవారం వెలువరించారు.

కుడ్కో గ్రామంలో సొరేన్ నాయకత్వంలోని గ్రూప్ ఖిరోదర్ సింగ్, చుండీ సింఘ్ అనే వ్యక్తులను హత్య చేశాడని బహదూర్ సింగ్ అనే వ్యక్తి చేసిన ఆరోపణపై 1974 ఏప్రిల్ 15వ తేదీన ఎఫ్ఐఆర్ నమోదైంది. 1978లో చార్జీషీట్ దాఖలైంది. ఈ కేసులో ఎనిమిది మందికి విముక్తి లభించగా సొరేన్ పై కేసు సాగుతూ వచ్చింది.