• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్ కు దిమ్మదిరిగే షాక్: నో పర్మిషన్

By Pratap
|

YS Jagan
హైదరాబాద్‌: కడప పార్లమెంటు సభ్యులు జగన్‌, కెవిపిల ధోరణిపై కాంగ్రెస్‌ హైకమాండ్‌ తన వైఖరిని కుండ బద్దలు కొట్టింది. శ్రీకాకుళం జిల్లాలో జూలై 8నుంచి జగన్‌ ప్రతిపాదించిన ఓదార్పు యాత్రకు అనుమతిచ్చేది లేదని వెల్లడించింది. జగన్‌ పట్ల అధిష్టానం కఠిన వైఖరిని అనుసరిస్తోందని దీన్ని బట్టి అర్థం చేసుకోవచ్చు. తనకున్న అనుచర గణాన్ని ఆసరా చేసుకుని తన యాత్రల ద్వారా సంచలనం సృష్టించేందుకు జగన్‌ చేసిన ప్రయత్నాలను అధిష్ఠానం ఆషామాషీగా తీసుకోవడం లేదు. శ్రీకాకుళం యాత్రను అనుమతించేది లేదని చెప్పడం జగన్ కు హెచ్చరికలాంటిదే.

వద్దన్నా వరంగల్ పర్యటన కోసం మొండిపట్టు పట్టడం, కొనసాగించాలని ప్రయత్నించడం, ఆ తర్వాత ముఖ్యమంత్రి రోశయ్య ప్రభుత్వంపై విమర్సలు చేయడం అధిష్టానం ఆగ్రహానికి కారణమైంది. తూర్పుగోదావరి, కృష్ణా జిల్లాల్లో జగన్‌ పరామర్శల యాత్రతో భారీ హంగామా సృష్టించారు. దివంగత సోమసుందర్‌రెడ్డి కుటుంబ సభ్యుల పరామర్శ, మల్లాది విష్ణు తండ్రి అంతిమయాత్రలో పాల్గొనేందుకంటూ జగన్‌ ఈ పర్యటనలో చేసిన అట్టహాసాలను పార్టీ నాయకులెవరూ జీర్ణించుకోలేక పోతున్నారు. జగన్ తమతో సంబంధం లేకుండా, తమను తప్పు పట్టేలా వ్యవహరించడం అధిష్టానానికి మింగుడు పడడం లేదు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X