ఆటో. సుమో ఢీ, శ్రీకాళహస్తి సమీపంలో ముగ్గురు మృతి

చిత్తూరు: శ్రీకాళహస్తి సమీపంలో రేణుగుంట మండలం గురవరాజపల్లి వద్ద జరిగిన రోడ్డు ప్రమాదంలో ముగ్గురు మృతి చెందారు. ఆటో, సుమో ఢీకొనడంతో ఈ ప్రమాదం జరిగింది. ఈ ప్రమాదంలో మరో ఇద్దరు గాయపడ్డారు. నిన్న జరిగిన మరో యాక్సిడెంట్ వివరాలు: రెండు రోడ్డు ప్రమాదాల్లో పన్నెండు మంది గా యపడ్డారు. గాయపడ్డ వారిలో నలుగురి పరిస్థితి ఆందోళన కరంగా ఉంది.

మదనపల్లె-బెంగళూరు జాతీయ రహదారిపై శనివారం రెండు క్వాలిస్‌ వాహనాలు ఢీకొనడంతో ఏడుగురు గాయపడ్డారు. మదనపల్లె రూరల్‌ మండలంలో శుక్రవారం రాత్రి ఓ క్వాలిస్‌ వాహనం చెట్టును ఢీకొనడంతో ఐదుగురు గాయపడ్డారు. ఈ రెండు ప్రమాదాల్లో గాయపడ్డ వారు మదనపల్లె ప్రభుత్వాస్పత్రిలో చికిత్స పొందుతున్నారు.