ఉగ్రవాద లష్కరే తోయిబా టార్గెట్ లో హైదరాబాద్

వాషింగ్టన్‌: లష్కరే తోయిబా టార్గెట్ లో హైదరాబాద్ ప్రముఖంగా ఉంది. భారత్‌ లోని ప్రధాన నగరాల్లో దాదాపు 100కి పైగా గుర్తించిన లక్ష్యాల్లో విధ్వంసాలు సృష్టించేందుకు లష్కర్‌-ఎ-తొయిబా వ్యూహరచన చేసినట్టు అమెరికా పోలీసుల అదుపులో ఉన్న ఉగ్రవాది హెడ్లీ వెల్లడించాడని సమాచారమందింది.

ఇటీవలే అతన్ని భారత పరిశోధక బృందానికి చెందిన నలుగురు సభ్యుల బృందం విచారించిన విషయం తెలిసిందే. ఈ సందర్భంగా ముంబయిలోని తాజ్‌ హోటల్‌తో పాటు మరిన్ని లక్ష్యాలను తాను వీడియో తీసినట్టు అతను అంగీకరించినట్టు సమాచారం. భారత్‌ లో మరిన్ని విధ్వంసాలు చేసేందుకు లష్కర్‌ ఉగ్రవాదులు కుట్రపన్నారని అయితే ఉగ్రవాదుల జాతీయతపై అతని దగ్గరనుంచి ఎలాంటి సమాచారం లభ్యంకాలేదని తెలియవచ్చింది.