తిరుగుబాటు ద్వారా కాంగ్రెస్ ను నాశనం చేస్తున్న జగన్: పాల్వాయి

హైదరాబాద్‌: ఓదార్పు యాత్ర చేస్తున్న జగన్ అసహనంతో వ్యాఖ్యలు చేయడంపై కాంగ్రెస్‌ నేతలు తమ వ్యతిరేకతను వ్యక్తం చేస్తున్నారు. తిరుగుబాటు ద్వారా కాంగ్రెస్‌ను నాశనం చేసేపని జగన్‌ చేస్తున్నారని పాల్వాయి గోవర్ధన్‌ రెడ్డి విమర్శించారు.

జగన్‌ నాయకత్వంలో పార్టీ బలపడుతుందంటే అంతకంటే బుద్ధితక్కువైంది లేదని ఆయన వ్యాఖ్యానించారు. 10,15 శాతం మంది మినహా ఓదార్పు యాత్రకు వస్తున్న వారిలో అందరూ డబ్బులిచ్చి తరలించిన వాళ్లేనని ఆయన అన్నారు.