ముఖం చాటేస్తున్ననిజామాబాద్ అర్బన్ అభ్యర్థి డిఎస్

హైదరాబాద్‌: ప్రదేశ్ కాంగ్రెసు కమిటీ (పిసిసి)అధ్యక్షుడు, నిజామాబాద్ అర్బన్ అభ్యర్థి డి. శ్రీనివాస్ ముఖం చాటేస్తున్నారు. హైదరాబాదులోని డి. శ్రీనివాస్ ఇంటి వద్ద ఖాళీ వాతావరణం నెలకొని ఉంది. ఆయన మీడియా ముందుకు రావడానికి ఇష్టపడడం లేదు. తన విజయం ఖాయమని ఆయన ధీమా వ్యక్తం చేస్తూ వస్తున్నారు. ఫలితం ఆయనకు వ్యతిరేకంగా వస్తోంది. దీంతో ఆయన ముఖం చాటేస్తున్నారు.

తనను గెలిపిస్తే తెలంగాణ తెస్తానని ఆయన ప్రజలకు హామీ ఇచ్చారు. తెలంగాణ ఇస్తామని తమ పార్టీ అధ్యక్షురాలు సోనియా గాంధీ తనతో చెప్పారని ఆయన వోటర్లకు చెప్పారు. అయినా ఆయనను ప్రజలు నమ్మినట్లు లేదు. తెలంగాణ పట్ల డిఎస్ కు ఉన్న చిత్తశుద్ధిని ప్రజలు శంకించినట్లే అర్థం చేసుకోవాల్సి ఉంటుంది.