మంచిర్యాలలో అరవింద్ రెడ్డి: సిర్పూర్ లో సమ్మయ్య విజయం

హైదరాబాద్‌: ఆదిలాబాద్‌ జిల్లా సిర్పూర్‌ కాగజ్‌ నగర్‌ నియోజకవర్గంలో తెలంగాణ రాష్ట్ర సమితి (తెరాస) అభ్యర్థి కావేటి సమ్మయ్య విజయం సాధించారు. ఇక్కడ మొదటి రౌండ్‌లో కాంగ్రెస్‌ అభ్యర్థి ఇంద్రకరణ్‌ రెడ్డి ఆధిక్యం సాధించినా అనంతరం అన్ని రౌండ్లలో తెరాస ఆధిక్యం సాధించింది.

ఆదిలాబాద్‌ జిల్లా మంచిర్యాల నియోజకవర్గంలో తెరాస అభ్యర్థి గడ్డం అరవిందరెడ్డి సమీప కాంగ్రెస్‌ అభ్యర్థి ఆర్‌.కృష్ణారావుపై విజయం సాధించారు. కరీంనగర్‌ జిల్లా వేములవాడ నియోజకవర్గంలో తెరాస అభ్యర్థి చెన్నమనేని రమేష్‌ విజయం సాధించారు. ఇంతకు ముందు ఎన్నికల్లో తెలుగుదేశం పార్టీ అభ్యర్థిగా పోటీ చేసి గెలిచిన రమేష్ తెలంగాణ కోసం రాజీనామా చేశారు. ఆ తర్వాత ఆయన తెలుగుదేశం పార్టీకి రాజీనామా చేసి తెరాసలో చేరారు. తెరాస అభ్యర్థిగా పోటీ చేసి ఆయన గెలిచారు.