• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణ రాష్ట్రం కోసం బిటెక్ విద్యార్థి ఆత్మహత్య

By Pratap
|

Osmania University
హైదరాబాద్: హైదరాబాదులోని ఉస్మానియా విశ్వవిద్యాలయంలో మరో విషాద సంఘటన చోటు చేసుకుంది. తెలంగాణ కోసం మరో విద్యార్థి ఆత్మబలిదానానికి పాల్పడ్డాడు. ఇషాంత్ రెడ్డి అనే బిటెక్ విద్యార్థి ఆత్మహత్య చేసుకున్నాడు. దీంతో ఉస్మానియా విశ్వవిద్యాలయంలో ఉద్రిక్త వాతావరణం నెలకొంది. ఇషాంత్ రెడ్డి వాసవి ఇంజనీరింగ్ కళాశాలలో బిటెక్ పూర్తి చేసి జిఆర్ఇకి తయారవుతున్నాడు. అతను మెదక్ జిల్లా న్యాలకల్ మండలం బసంతపూర్ కు చెందినవాడు. తల్లిదండ్రులు స్వరూప, ఇంద్రసేనా రెడ్డి చేతికి అంది వచ్చిన కొడుకు మరణవార్త విని కన్నీరు మున్నీరవుతున్నాడు.

ఇషాంత్ రెడ్డి శుక్రవారం రాత్రే అత్మహత్యకు పాల్పడినట్లు తెలుస్తోంది. తన ఆత్మహత్యకు కారణం తెలియజేస్తూ అతను ఓ సూసైడ్ నోట్ కూడా రాసి పెట్టాడు. ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ ఓడిపోతే ప్రాణత్యాగం చేసుకుంటానని మైసమ్మకు మొక్కుకున్నానని, ఆ మొక్కు తీర్చుకుంటున్నానని అతను రాశాడు. మంత్రులు కోమటిరెడ్డి వెంకటరెడ్డి, శ్రీధర్ బాబు, తెలుగుదేశం నాయకులు నాగం జనార్దన్ రెడ్డి, కడియం శ్రీహరి, ఎర్రబెల్లి దయాకర రావు, దేవేందర్ గౌడ్, కాంగ్రెసు నాయకులు జానారెడ్డి, దామోదర్ రెడ్డి తెలంగాణ ద్రోహులని అతను రాశాడు.

తన మృతదేహానికి పోస్టు మార్టం నిర్వహించకూడదని, తెలంగాణ అమరవీరుల స్థూపం వరకు ఊరేగింపుగా తీసుకెళ్లాలని అతను కోరుకున్నాడు. ఇషాంత్ రెడ్డి మృతదేహం వద్దకు పెద్దయెత్తున విద్యార్థులు చేరుకున్నారు. ఆత్మహత్యలు చేసుకోవద్దని, పోరాడి తెలంగాణ సాధించుకుందామని విద్యార్థి నాయకులు మరోసారి విజ్ఞప్తి చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X