• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

కొండా సురేఖపై ఆగ్రహం: రేపోమాపో క్రమశిక్షణా చర్యలు

By Pratap
|

Konda Surekha
హైదరాబాద్: ప్రభుత్వంపై, ముఖ్యమంత్రి కె. రోశయ్యపై తీవ్ర వ్యాఖ్యలు చేసిన శాసనసభ్యురాలు కొండా సురేఖపై కాంగ్రెసు నాయకత్వం చర్యలు తీసుకునేందుకు సిద్ధపడుతున్నట్లు సమాచారం. ముఖ్యమంత్రి కె. రోశయ్య అధ్యక్షతన బుధవారం జరిగిన మంత్రివర్గ సమావేశంలో కొండా సురేఖపై తీవ్ర ఆగ్రహం వ్యక్తమైనట్లు తెలుస్తోంది. పార్టీలో ఉంటూ ప్రభుత్వ పథకాలను సురేఖ ఎలా విమర్శిస్తారని మంత్రులు కొంత మంది ప్రశ్నించినట్లు సమాచారం. కొండా సురేఖ తీరు పట్ల ముఖ్యమంత్రి రోశయ్య కూడా తీవ్ర ఆగ్రహం వ్యక్తం చేసినట్లు చెబుతున్నారు. సురేఖ వ్యాఖ్యలను తిప్పికొట్టాలని ఆయన మంత్రులకు సూచించినట్లు చెబుతున్నారు.

కాగా, పార్టీ నాయకులు చాలా మంది ఆమె తీరుపై అసంతృప్తి వ్యక్తం చేస్తున్నారు. పార్టీ అధిష్టానం కూడా సురేఖ తీరుపై మండిపడుతున్నట్లు చెబుతున్నారు. ఈ స్థితిలో ఆమెకు రేపోమాపో షోకాజ్ నోటీసు జారీ కావచ్చుననే మాట వినిపిస్తోంది. ఇప్పటికే జగన్ వర్గానికి చెందిన అంబటి రాంబాబు, గట్టు రామచందర్ రావుపై చర్యలు తీసుకున్న నేపథ్యంలో సురేఖపై కూడా చర్యలకు దిగవచ్చునని అంటున్నారు. కాగా, తనకు ఇంకా అటువంటి సమాచారమేదీ లేదని, చర్యలు తీసుకున్న తర్వాత స్పందించడానికి వీలుంటుందని, ఇప్పుడే ఏమీ చెప్పలేనని సురేఖ అన్నారు.

తాను పార్టీ బాగు కోసమే మాట్లాడానని ఆమె చెప్పారు. తాను సోనియాపై విమర్శలు చేయలేదని ఆమె చెప్పారు. సురేఖ వ్యవహారంపై కాంగ్రెసు ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ సమీక్షించినట్లు సమాచారం. పార్టీ నేతలతో ఆయన సంప్రదింపులు జరిపినట్లు తెలుస్తోంది. ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ ప్రస్తుతం ఢిల్లీలోనే ఉన్నారు. దీంతో డిఎస్ తో మొయిలీ మాట్లాడే అవకాశం ఉంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X