సోనియా తిరిగి రాగానే కొండా సురేఖపై సస్పెన్షన్ వేటు?

హైదరాబాద్: ముఖ్యమంత్రి కె. రోశయ్యపై తీవ్ర వ్యాఖ్యలు చేసిన వరంగల్ జిల్లా శాయంపేట శాసనసభ్యురాలు కొండా సురేఖపై సస్పెన్షన్ వేటు పడే అవకాశం ఉంది. షోకాజ్ నోటీసు ఇవ్వకుండానే ఆమెపై పార్టీ అధిష్టానం సస్పెన్షన్ వేటు వేసే అవకాశం ఉందని భావిస్తున్నారు. సోనియా గాంధీ అమెరికా నుంచి తిరిగి రాగానే సురేఖపై వేటు వడుతుందని భావిస్తున్నారు. సురేఖ వ్యాఖ్యలను పార్టీ అధిష్టానం సీరియస్ గా తీసుకుంటోంది.

ముఖ్యమంత్రి కె. రోశయ్య బుధవారం కాంగ్రెసు క్రమశిక్షణా సంఘం చైర్మన్ సత్యనారాయణరాజుతో సమావేశమయ్యారు. ఢిల్లీలో కాంగ్రెసు ఆంధ్రప్రదేశ్ వ్యవహారాల ఇంచార్జీ వీరప్ప మొయిలీతో పిసిసి అధ్యక్షుడు డి. శ్రీనివాస్ మాట్లాడారు. బుధవారం సాయంత్రం డిఎస్ మొయిలీతో విస్తృతంగా చర్చించే అవకాశం ఉంది.