హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

సీమాంధ్ర మంత్రులు ప్రభుత్వంపై ఉమ్మేశారు: కె చంద్రశేఖర రావు

By Pratap
|
Google Oneindia TeluguNews

K Chandrasekhar Rao
హైదరాబాద్: సీమాంధ్ర మంత్రులపై తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు తీవ్రంగా ధ్వజమెత్తారు. సీమాంధ్ర మంత్రులు ప్రభుత్వం ముఖంపై ఉమ్మేశారని ఆయన మంగళవారం మీడియా ప్రతినిధుల సమావేశంలో వ్యాఖ్యానించారు. సీమాంధ్ర మంత్రులు శ్రీకృష్ణ కమిటీకి సమర్పించిన నివేదిక చెత్త బుట్టలో వేయడానికి కూడా పనికి రాదని ఆయన అన్నారు. తెలంగాణ రాష్ట్ర ఏర్పాటును కోరడం జాతి వ్యతిరేకత, అది దేశవిచ్ఛిత్తికి దారి తీస్తుంది వంటి వ్యాఖ్యాలు వారి నివేదికలో పలు చోట్ల ఉన్నాయని ఆయన చెప్పారు. నివేదిక ప్రతిని ఆయన మీడియా ప్రతినిధులకు అందించారు. తాము అలా అనలేదని సీమాంధ్ర మంత్రులు ముఖ్యమంత్రిని కూడా తప్పు దోవ పట్టిస్తున్నారని ఆయన విమర్శించారు. సీమాంధ్ర మంత్రులను బర్తరఫ్ చేయాలని తాము గవర్నర్ ను కలిసి కోరతామని ఆయన చెప్పారు.

అధికారంలో ఉన్నప్పుడు శ్రీరాంసాగర్ ప్రాజెక్టుకు చిల్లి గవ్వ ఇవ్వని తెలుగుదేశం అధ్యక్షుడు నారా చంద్రబాబు నాయుడు బాబ్లీపై పోరాటమని నాటకాలు ఆడుతున్నారని ఆయన వ్యాఖ్యానించారు. శ్రీరాంసాగర్ ప్రాజెక్టును అన్ని ప్రభుత్వాలు కూడా నిర్లక్ష్యం చేశాయని ఆయన విమర్శించారు. శ్రీరాంసాగర్ మరమ్మతుకు నిధులు ఇవ్వకపోతే పంటలు పండే పరిస్థితి లేదని ఆయన అన్నారు. శ్రీరాంసాగర్ రాష్ట్రంలోని ప్రాజెక్టు కాదా అని ఆయన ప్రశ్నించారు. శ్రీరాంసాగర్ ఈ యేడు నిండే పరిస్థితి ఉందని, దాని మరమ్మతుకు నిధులు అవసరమని ఆయన చెప్పారు. శ్రీరాంసాగర్ ప్రాజెక్టుక మరమ్మతుకు 300 కోట్ల రూపాయలు విడుదల చేయాలని ముఖ్యమంత్రికి లేఖ రాసినట్లు ఆయన తెలిపారు.

శాసనసభను కూడా ధిక్కరిస్తూ డిజిపి గిరీష్ కుమార్ వ్యవహరించారని ఆయన విమర్శించారు. రోశయ్యకు గట్స్ ఉంటే డిజిపి గిరీష్ కుమార్ ను తొలగించాలని ఆయన డిమాండ్ చేశారు. పోతిరెడ్డి పాడును శ్రీకృష్ణ కమిటీకి చూపించడానికి అధికారులు నిరాకరించడాన్ని కూడా ఆయన తప్పు పట్టారు. పోతిరెడ్డిపాడుకు వెళ్తే కాశ్మీర్ లో లాంటి పరిస్థితి తలెత్తుతుందని వ్యాఖ్యానించడం సరైంది కాదని ఆయన అన్నారు. అధికారులు ఉన్నదే కమిటీకి సహకరించడానికని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X