కేంద్ర మంత్రి జైపాల్ రెడ్డితో వైయస్ జగన్ మాటామంతీ

న్యూఢిల్లీ: ఓదార్పు యాత్రతో వివాదాస్పదంగా మారిన కాంగ్రెసు కడప పార్లమెంటు సభ్యుడు వైయస్ జగన్ తో కేంద్ర మంత్రి ఎస్ జైపాల్ రెడ్డి మాటలు కలిపారు. పార్లమెంటు హాల్లో సోమవారం వారిద్దరి మధ్య సంభాషణ సాగింది. దాదాపు 15 నిమిషాల పాటు వారు మాట్లాడుకున్నారు. అయితే వారు ఏం మాట్లాడుకున్నారనే విషయం మాత్రం తెలియడం లేదు. వారి సంభాషణల వివరాలపై సర్వత్రా ఆసక్తి చోటు చేసుకుంది.

ఓదార్పు యాత్రను చేపట్టవద్దని పార్టీ అధిష్టానం జగన్ కు మొదటి నుంచీ చెబుతూ వస్తోంది. అయితే జగన్ అధిష్టానాన్ని ధిక్కరిస్తూ ముందుకు సాగుతున్నారు. బహుశా జైపాల్ రెడ్డి జగన్ మంచీచెడులు తెలుసుకుని, ఆ విషయంపై సూచన చేసి ఉంటారని భావిస్తున్నారు.