కెసిఆర్ కు టిజి వెంకటేష్ విరుగుడు రాయలసీమ సేవాదళ్

హైదరాబాద్: తెలంగాణ రాష్ట్ర సమితి (తెరాస) అధ్యక్షుడు కె చంద్రశేఖర రావుకు కాంగ్రెసు కర్నూలు శాననసభ్యుడు టిజి వెంకటేష్ విరుగుడు కనిపెట్టారు. తాను గ్రేటర్ రాయలసీమ సైనిక్ సేవాదళ్ ను ఏర్పాటు చేస్తానని, అదే కెసిఆర్ కు విరుగుడని ఆయన సోమవారం మీడియా ప్రతినిధుల సమావేశంలో అన్నారు. రాజ్యాంగ హక్కుల పరిధికి లోబడి ఆత్మరక్షణ కోసం సేవాదళ్ ను ఏర్పాటు చేయనున్నట్లు, ఈ సేవాదళ్ నవంబర్ లో ఏర్పాటు కానున్నట్లు ఆయన తెలిపారు.

రాయలసీమ ప్రజల ప్రాణాలకు, ఆస్తులకు రక్షణ కల్పించడానికి సేవాదళ్ పనిచేస్తుందని ఆయన చెప్పారు. శ్రీభాగ్ ఒప్పందాన్ని అమలు చేస్తామని హామీ ఇస్తే తాము ఆంధ్ర నాయకులతో కలిసి పనిచేయడానికి సిద్ధంగా ఉన్నామని ఆయన చెప్పారు. ఉస్మానియా విశ్వవిద్యాలయంలో సీమాంధ్ర అధ్యాపకులపై విద్యార్థులు దాడి చేయలేదని అన్న కెసిఆర్ పై ఆయన తీవ్రంగా మండిపడ్డారు. విద్యార్థులు దాడి చేయకపోతే కెసిఆర్ పంపిన గూండాలు దాడులు చేశారా అని ఆయన అడిగారు.