ఒకరిద్దరి చేతుల్లో ఆస్తులపై దృష్టి సారించాల్సి ఉంది: జెసి దివాకర్ రెడ్డి

హైదరాబాద్: రాష్ట్రంలో కేవలం ఒకరిద్దరి చేతుల్లోనే ఆస్తులు ఉండటంపై ప్రభుత్వం దృష్టి సారించాల్సి ఆవసరం ఉందని కాంగ్రెసు ఎమ్మెల్యే, మాజీ మంత్రి జేసి దివాకర్ రెడ్డి కాంగ్రెసు యువనేత వైఎస్ జగన్మోహన్ రెడ్డిని పరోక్షంగా ఉద్దేశించి వ్యాఖ్యానించారు. వారు సంపాదించింది సక్రమమా,అక్రమమా అని చూడాలన్నారు.అక్రమమని తేలితే వెంటనే చర్యలు తీసుకోవాల్సిన అవసరం ఉందన్నారు.

ప్రభుత్వం, పోలీసుల పాత్ర మీడియా పోషిస్తోందని కూడా ఆయన వ్యాఖ్యానించారు. తెలంగాణ నేతలు గవర్నర్ ను కలవడం మంచి పరిణామమన్నారు. వారి వారి సమస్యలను శాంతియుతంగా పరిష్కరించుకోవడానికి ఉవయోగపడుతుందన్నారు. తెలంగాణ చెందిన కొందరు నాయకులు ప్రత్యేక పిసిసి కావాలనడాన్ని ఆయన ఖండించారు. అలా అయితే మా వూరికి ప్రత్యేక పిసిసి కావాలంటామన్నారు.