వైయస్ జగన్ పై మాటలు బాలినేని శ్రీనివాస రెడ్డి వ్యక్తిగతం: శైలజానాథ్

హైదరాబాద్: ప్రతి కాంగ్రెస్ కార్యకర్త మద్దతు ప్రస్తుత ముఖ్యమంత్రి రోశయ్యకే ఉంటుందని ప్రభుత్వ విప్ శైలజానాథ్ పేర్కొన్నారు. కాంగ్రెస్ బాగు కోరుకున్న ఏ వ్యక్తి ముఖ్యమంత్రికి వ్యతిరేకంగా లేరని, అధిష్టానం చెప్పిన విధంగా నడుచుకుంటున్నామన్నారు. మంత్రి బాలినేని శ్రీనివాస రెడ్డి మాట్లడిన వ్యాఖ్యలు ఆయన వ్యక్తిగతం అని, వాటిపై స్పందించాల్సిన అవసరం లేదన్నారు.

2014లో రాష్ట్ర కాంగ్రెస్ అధికారాలు ఎవరు చేపడుతారనే విషయాన్ని హైకమాండ్ నిర్ణయించాల్సిన విషయం అని చెప్పారు. రాష్ట్రంలో ముఖ్యమంత్రి రోశయ్య ఆధ్వర్యంలో పార్టీ బలపడుతుందని వ్యాఖ్యానించారు. అలా ఉండాలనే తామందరం కోరుకుంటున్నట్లు చెప్పారు. 2014లో రాష్ట్రంలో కాంగ్రెసు పార్టీకి వైయస్ జగన్ నాయకత్వం వహించాలని బాలినేని శ్రీనివాస రెడ్డి అన్నారు.