దుమ్ము రేపుతున్న ఇండియన్ స్టాక్ మార్కెట్లు

ముంబై: భారత స్టాక్ మార్కెట్లు మంగళవారం దుమ్ము రేపుతున్నాయి. సెన్సెక్స్ 20 వేల పాయింట్లు, నిఫ్టీ 6 వేల పాయింట్లు దాటింది. సెన్సెక్స్ గత 32 నెలల గరిష్ట స్థాయిని చేరుకుంది. 2008 జనవరి తర్వాత సెన్సెక్స్ 20 వేల పాయింట్లు దాటి రికార్డు సృష్టించింది. భారీ లాభాలతో స్టాక్ మార్కెట్ పరుగులు తీస్తోంది. షేర్లు లాభాల బాటలో దూసుకుపోతున్నాయి. విదేశీ నిధులు భారత స్టాక్ మార్కెట్లోకి భారీగా అడుగు పెడుతుండడంతో షేర్ మార్కెట్ దూసుకుపోతున్నట్లు భావిస్తున్నారు.

విదేశీ నిధుల ర్యాలీ కొనసాగుతూ విదేశీయులు 10 మిలియన్ డాలర్ల విలువ చేసే భారత షేర్లను కొనుగోలు చేసినట్లు అంచనా. సోమవారం నిఫ్టీ షార్ప్ గా సాగి ఆరు వేల పాయింట్లను తాకిందని అంటన్నారు. సోమవారం సెన్సెక్స్ 311 పాయింట్లను గెయిన్ చేసింది. మార్కెట్ సెంటిమెంట్ పాజిటివ్ గా ఉండి అమెరికా, ఐరోపా కరెన్సీ భారత స్టాక్ మార్కెట్లోకి వచ్చి పడుతోంది.