ట్రయాంగిల్ లవ్ స్టోరీలో ఇంజనీరింగ్ విద్యార్థిని దివ్య బలి

హైదరాబాద్: ట్రయాంగిల్ లవ్ స్టోరీలో ఇంజనీరింగ్ విద్యార్థిని దివ్య సమిధ అయింది. తనను ప్రేమించడం లేదనే కోపంతో సీనియర్ విద్యార్థి శేఖర్ దివ్యను బేస్ బాల్ బ్యాట్ తో తలపై కొట్టి చంపిన విషయం తెలిసిందే. శేఖర్ ను సైబరాబాద్ పోలీసు కమిషనర్ ప్రభాకర్ రెడ్డి శుక్రవారం మీడియా ముందు ప్రవేశపెట్టారు. దివ్యను తానే చంపానని శేఖర్ అంగీకరించాడు. ఇదో ట్రయాంగిల్ లవ్ స్టోరీ అని ప్రభాకర్ రెడ్డి అన్నారు. ప్లాన్ ప్రకారమే శేఖర్ దివ్యను హత్య చేశాడని ఆయన చెప్పారు. ఆరు నెలలుగా శేఖర్, దివ్య కలవడం లేదని, దివ్య హత్యలో ఆమె తల్లిదండ్రుల నిర్లక్ష్యం కూడా ఉందని ఆయన అన్నారు.

తనను బ్లాక్ మెయిల్ చేయడం వల్లనే దివ్యను హత్య చేసినట్లు శేఖర్ చెప్పాడు. తాను రాసిన ప్రేమలేఖలను అన్నింటినీ తీసుకుందని, కానీ వాటిని తిరిగి ఇవ్వలేదని అతను చెప్పాడు. ఆ లేఖలతో తనను బ్లాక్ మెయిల్ చేయడం ప్రారంభించిందని చెప్పాడు. తనను డ్రగ్స్ పిచ్చోడని అంటూ ఉండేదని అతను చెప్పాడు. దివ్య కోసం తాను సర్వస్వం అర్పించినట్లు చెప్పాడు. దివ్య ప్రమోద్ అనే యువకుడితో తిరుగుతుంటే తాను సహించలేకపోయినట్లు శేఖర్ చెప్పాడు.