జగన్ పై అధిష్టానం ఏ చర్యలూ తీసుకోదు : ఎంపీ సబ్బం హరి

విజయనగరం: కడప పార్లమెంటు సభ్యుడు వైఎస్ జగన్మోహన్ రెడ్డిపై ఎలాంటి చర్యలు తీసుకునే అవకాశం లేదని విజయనగరం పార్లమెంటు సభ్యడు సబ్బం హరి అన్నారు. జగన్ చేస్తున్న యాత్ర ఆయన వ్యక్తిగతమని అన్నారు. అధిష్టానం సైతం జగన్ యాత్రను వ్యక్తిగత యాత్రగా పేర్కొన్నదని ఆయన ఓదార్పుకు అధిష్టానం ఉద్దేశ్యపూర్వకంగా ఏ అడ్డంకులు సృష్టించడం లేదన్నారు.

కాగా ప్రకాశం జిల్లా కందుకూరులో యువనేత, కడప ఎంపి వైఎస్ జగన్మోహన రెడ్డి 34వ రోజు ఓదార్పు యాత్ర ఉదయం ప్రారంభమైంది. జనార్ధన స్వామి ఆలయంలో ప్రత్యేక పూజలు చేయించిన అనంతరం ఆయన యాత్ర ప్రారంభించారు. యాత్ర ప్రారంభానికి ముందు ఎమ్మెల్సీ వైఎస్ వివేకానందరెడ్డి, విజయవాడ మాజీ ఎమ్మెల్యే జలీల్ ఖాన్లు జగన్‌ని కలిశారు.