పోలీసు బాసులు కోట్లకు పడగలెత్తారు: ఎమ్మెల్యే శంకరరావు

హైదరాబాద్: ఎమ్మెల్యే శంకరరావు తన ఆగ్రహాన్ని ఈసారి పోలీసు శాఖపై చూపారు. పోీలీసు వ్యవస్థ అంతా అవినీతిలో కూరుకుపోయిందని ఆయన బుధవారం విలేకరుల సమావేశంలో అన్నారు. పోలీసు శాఖలో అత్యున్నత స్థాయిలో ఉన్న డిజిపి, కమిషనర్ లతే సహా పోలీసులు చాలామంది అవినీతిలో కూరుకుపోయి కోట్లకు పడగలేత్తారని ఆయన ఆరోపించారు. అవినీతికి డిజిపి ఆతీతుడేం కాదని వివాదాస్పద వ్యాఖ్యలు చేశాడు.

ప్రజాప్రతినిధులకు పోలీసు బాసులు ఆపాయింటుమెంటు ఇవ్వడం లేదని, మేం వెళదామంటే వారి పోలీసు బాసుల కార్యాలయాలు స్పందించటం లేదన్నారు. సమస్యల్ని వారి దృష్టికి తీసుకెళ్లడానికి కూడా ఆపాయింటుమెంటు ఇవ్వకుంటే ఎలా అంటూ ప్రశ్నించారు. ఇది హక్కుల ఉల్లంఘన కిందకే వస్తుందన్నారు. ఈ విషయమై స్పీకర్ కు ప్రివిలేజ్ మోషన్ ఇవ్వనున్నట్లు చెప్పారు. అంతే కాకుండా ప్రధానికి, రాష్ట్రపతికి ఫిర్యాదు చేస్తానని చెప్పారు.