• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఆంధ్రప్రదేశ్ లో కర్ణాటక పరిస్థితి రావద్దన్న సోనియా గాంధీ

By Pratap
|

Sonia Gandhi
హైదరాబాద్: రాష్ట్ర కాంగ్రెసు వ్యవహారాలపై పార్టీ అధ్యక్షురాలు సోనియా గాంధీ దృష్టి పెట్టారు. ఆంధ్రప్రదేశ్ లో కర్ణాటక పరిస్థితి రావద్దని సోనియా గాంధీ ముఖ్యమంత్రి కె. రోశయ్యకు సూచించారని తెలుస్తోంది. కర్ణాటక పార్టీ నాయకులు తప్పుదోవ పట్టించారని ఆమె రోశయ్యతో అన్నట్లు సమాచారం. రాష్ట్రంలో కాంగ్రెస్ పార్టీ బలోపేతం కావడానికి చర్యలు తీసుకుంటానని సోనియాగాంధీ చెప్పారని మంత్రులకు రోశయ్య వివరించారు. రోశయ్య అధ్యక్షతన గురువారం సచివాలయంలో అత్యవసర మంత్రివర్గ సమావేశం జరిగింది. ఈ సమావేశంలో మైక్రోఫైనాన్స్ సంస్థల ఆగడాలను అరికట్టేందుకు వీలుగా అర్డినెన్సు జారీపై అధికారులతో చర్చించి, అధికారులు వెళ్లిపోయిన తర్వాత రాజకీయ అంశాలపై దృష్టిపెట్టారు.

రోశ య్య ఇటీవలి తన ఢిల్లీ యాత్ర విశేషాలను సహచరులకు వివరించారు. సోనియాతో జరిగిన భేటీలో సంస్థాగత అంశాలు ప్రస్తావనకు వచ్చాయని, తాను మేడమ్‌తో భేటీ అయిన రోజే కర్ణాటకలో విశ్వాసపరీక్షకు సంబంధించిన అంశం చర్చకు వచ్చిందని, ఈ విశ్వాస పరీక్ష సమయంలో స్థానికంగా కాంగ్రెస్ నేతలు పెడదోవ పట్టించారని సోనియా చెప్పారని ఆయన అన్నారు. కర్ణాటక స్థానిక నేతలు తొందరపడ్డారని, అక్కడ దెబ్బతిన్నామని సోనియా అభిప్రాయం వ్యక్తంచేశారని ఆయన చెప్పినట్లు సమాచారం. ఇతర రాష్ట్రాల కంటే ఆంధ్రప్రదేశ్‌లో పార్టీ బలోపేతంగా ఉన్నందున ఎట్టి పరిస్థితుల్లోనూ ఇక్కడ కాంగ్రెస్ బలహీన పడేందుకు వీల్లేదని సోనియాగాంధీ స్పష్టం చేశారని వివరించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X