విశాఖలో భారీ కుంభకోణం: రూ.2 కోట్ల విలువైన బొగ్గు అక్రమ రవాణా

విశాఖపట్టణం: విశాఖపట్టణంలో భారీ కుంభకోణం వెలుగులోకి వచ్చింది. యూరియాను, బొగ్గును అక్రమంగా ఆస్ట్టేలియాలో కొనుగోలు చేసిన బొగ్గును నిందితులు అక్రమ మార్గాల్లో తరలిస్తుండగా ముఠాను సిసిఎస్ పోలీసులు ఆదివారం అరెస్టు చేశారు. 11 మంది నిందితులను అరెస్టు చేసి 7 లారీలను సీజ్ చేశారు. ఒక లారీని వేరేమార్గంలో తరలించారు. ఈ ముఠా బొగ్గును బీహార్ లో అమ్ముతుంది. అరెస్టు అయిన వారు తిరుపతి ఫ్యూయల్స్, శరత్ చంద్ర ఛటర్జీ కంపెనీలలో పని చేసిన వారు. వారే సూత్రదారులు కూడా.

అయితే వీరికి పోలీసుల సహకారం కూడా ఉండవచ్చని క్రైమ్ డిసిపి బ్రహ్మారెడ్డి అనుమానం వ్యక్తం చేశారు. సీజ్ చేసిన లారీలలోని బొగ్గు సుమారు 14 లక్షల రూపాయల విలువ చేస్తుంది. గత 5 నెలలుగా ఈ అక్రమ రవాణా జరుగుతున్నట్టు ఆయన చెప్పారు. సుమారు 2కోట్ల రూపాయల విలువైన బొగ్గును అక్రమ రవాణా అయిందని చెబుతున్నారు.